«Песьняры» па законе ў Belsat Music Live (поўнае відэа)

Госьцем аўтарскай праграмы Сяргея Будкіна стаў дзяржаўны ансамбль «Песьняры», які лічыцца адзіным афіцыйным пераемнікам ансамблю пад кіраўніцтвам Уладзімера Мулявіна.

Пасьля сьмерці Мулявіна ў 2003-м, вырашана было працягваць дзейнасьць ансамблю. За гэты час празь яго прайшлі больш за 20 музыкаў. Сёньня кіраўніком ансамблю зьяўляецца Раман Козыраў, які працуе ў «Песьнярах» ужо 14 гадоў. Сярэдні ўзрост удзельнікаў ансамблю каля 35 гадоў. Музыкі працягваюць традыцыі, закладзеныя яшчэ паўстагодзьдзя таму, ствараюць свае песьні і запісваюць новыя альбомы ў фірмовым стылі. Статус дзяржаўнага ансамблю азначае, што музыкі за сваю дзейнасьць атрымліваюць заробак, забясьпечваюцца офісам, студыяй, інструмэнтамі, абсталяваньнем і выступаюць на мерапрыемствах дзяржаўнай важнасьці. У размове зь Міраю Шульц музыкі распавядуць, як трапілі ў калектыў, чым займаюцца па-за працаю і як змагаюцца за права «Песьнярамі» звацца. У жывым сэце прагучаць песьні, якія былі створаныя апошнім часам, а таксама адзін з залатых гітоў ансамблю.

У праграме гучаць песьні:

«Кацярынка маладая» (музыка Р. Козырава, словы В. Шарапава)

«Жняя» (музыка Р. Козырава, словы Янкі Купалы)

«Я ліцьвін» (музыка Р. Козырава, словы І. Клімашэўскага)

«Завушніцы» (музыка У. Мулявіна, словы М. Танка)

Праз тыдзень, госьцем праграмы Belsat Music Live будзе гурт Irdorath. Прэм’ернае выданьне выйдзе ў этэр 9 сьнежня ў 20:25 на «Белсаце». Далучайцеся да суполак праграмы Укантакце і Facebook.