Можна быць найлепшым!

Песьня "Можна быць" двойчы перамагла ў чарце на ТГ у музычным сэзоне 2005/2006 і ўвайшла ў топ-12 галоўных беларускіх гітоў году.

Зь песьняй «Можна быць» чатыры тыдні запар трымаў першае месца на «Тузіне Гітоў». Лідэр гурту Андрэй Клімус расказвае пра песьню: «Твор — пра неабмежаванасьць магчымасьцяў і шляхоў самаўдасканаленьня: мы можам быць большымі, чым ёсьць, калі жывём пошукам новага і незвычайнага».

На «Можна быць» «Сьцяна» зьняла відэакліп — такім чынам гурт выкарыстаў узнагароду за другое месца на фэсьце «Генэралы айчыннага року». Хлопцы аднесьлі кліп на «Першы музычны», там яго адмовіліся браць у ратацыю, палічыўшы «бессэнсоўнай нарэзкай кадраў». «А мы там папросту стварылі эфэкт старой кінастужкі», — кажа А.Клімус.

«Сьцяна» мае пакуль толькі адзін альбом, выдадзены ў 2002 г., і зьбіраецца запісваць новы дыск. Канцэртаў у Польшчы толькі за гэтае лета ў «Сьцяны» было болей, чым менскіх за ўсе шэсьць гадоў існаваньня.

з архіву ТГ, 2005 год

Можна быць

Словы А. Клімуса

Музыка Sciana

Можна быць першым,

Можна найлепшым,

Можна памежным

Цi незалежным.

Можна быць новым,

Можна няўлоўным

Цi памяркоўным

Можна быць.

Кожны з нас – розны.

Адшукаць можна

Рана цi позна

Лепшае ў кожным.

Непераможным

Можа стаць кожны.

Можна быць большым,

Можна быць...

Можна спазьнiцца,

Можна спынiцца,

Можна забыцца

Цi разгубiцца.

Можна загнацца,

Можна зламацца

Цi надарвацца.

Можна быць.

Кожны з нас – розны.

Адшукаць можна

Рана цi позна

Нешта -- у кожным.

Непераможным

Можа стаць кожны.

Можна быць большым,

Можна быць...