Sciana: быў альбо ня быў?

Адна з самых цікавых айчынных рок-камандаў — берасьцейская Sciana пасьля адрэналінавага канцэрту ў Менску прадстаўляе сваю новую песьню «Кім я быў» у новым туры на «Тузіне Гітоў». Андрусь Клімус: «Тэкст „Кім я быў“ — вынік думкі пра тое, як файна было бы, каб нашае жыцьцё паўтаралася»

Аўтар песень Sciana — бас-гітарыст гурта Андрусь Клімус заўжды падкрэсьліваў у інтэрвію, што ён не аматар тлумачыць свае тэксты — надта яны ў яго выходзяць абстрактнымі і сымбалічнымі: «Кожны пад свой настрой і розум дадумвае тое, што ён хоча пачуць. І гэта вельмі цікава, на мой погляд тым, што дадуманае можа быць адрознае, ад таго, пра што думаў я».

Усё ж для наведнікаў ТГ Андрусь зрабіў выключэньне з правілаў і паразважаў наконт свайго твора: «Тэкст „Кім я быў“ — вынік думкі пра тое, як файна было б, каб нашае жыцьцё паўтаралася. Тады мы пражывалі бы мноства жыцьцяў, і на пачатку кожнага забываліся пра папярэдняе. Калі бы такое было, то кім я мог быць у сваім мінулым жыцьці? Таксама беларусам? Ці палякам? Ці тыбэцкім манахам альбо таміл-іламскім сэпаратыстам? Якім быў мой лёс? І кім была тая дзяўчына, што цяпер глядзіць на мяне? Ці сустракаліся мы — а нешта мне падказвае, што так і было. Калі так і было, на якой мове я казаў ёй тое, што кажу зараз? Як жа шкада, што я не памятаю гэтага і напэўна — ніколі ня ўспомню».

«Кім я быў» увайшла ў новы альбом гурта Sciana «Кропка вяртаньня», які быў прэзэнтаваны ў Менску пры канцы лютага.

Sciana — Кім я быў (словы — Андрусь Клімус, музыка гурта). Зьмяшчаецца са згоды выканаўцы.

ТГ (з архіву 03.03.2010)

Кім я быў

Словы А. Клімус

Музыка Sciana

Кім я быў для цябе

У мінулым жыцьці сваім?

Гэты час - успамін,

Гэта вечны яго пазітыў.

На якой мове я

Мог калісьці з табой размаўляць?