Relikt
Заснаваны ў 1999 у Сьветлагорску. Уладальнікі Гран-Пры фэсту "Бардаўская восень" (2009), пераможца ў намінацыях "Альтэрнатыва" і "Найлепшы вакаліст" на конкурсе "Музычны спарынг" (2010), Гран-Пры і прыз глядацкіх сымпатый на фэсьце Rockowisko-2013 (Польшча), "Гурт году" на прэміі "Героі году" парталу Tuzin.fm (2013). Удзельнікі праекту "Тузін.Немаўля". Альбом "Лекавыя травы" атрымаў званьне "Альбом году" па вэрсіі Еўрарадыё, "Найлепшага рок-альбому" на прэміі Experty.by, "Найлепшага альбому" на прэміі Rock Profi, а сам гурт быў прызнаны "Артыстам году" на Rock Profi-2016. Увосень 2010 году гурт зьмяніў назву з Re1ikt на Relikt.
Пра чорныя вочы
У межах праекту парталу TuzinFM «(Не)расстраляная паэзія» гурт Re1ikt прэзэнтуе песьню «Пра чорныя вочы», якая напісаная паводле апавяданьня Міхася Зарэцкага.
Навальніца
Напярэдадні выхаду свайго альбому «Kufar» гурт Re1ikt прэзэнтуе на Tuzin.fm новую песьню «Навальніца».
Люцэрна
Гурт Re1ikt прадстаўляе ў аўдыёчарце на Tuzin.fm «Люцэрну» — бадай што самы магічны трэк з альбому «Лекавыя травы». Пра гісторыю яго напісаньня распавядае аўтар Алесь Дземідзенка.
Толькі сьнег
Уладальнікі тытулу «Героі году — 2013» у дуэце з найлепшым саксафаністам Беларусі паклалі на музыку верш Купалы, які сучасьнікі паэта назвалі цудам.
Жураўлі на Палесьсе ляцяць
Музыкі наважыліся выканаць па-свойму ў межах праекту «Re:Песьняры» песьню «Жураўлі на Палесьсе ляцяць».