Лявон Вольскі
Вакаліст, паэт, аўтар музыкі і тэкстаў, аранжавальнік, мастак. Нарадзіўся 14.09.1965 у Менску ў сям'і беларускага паэта Артура Вольскага. Скончыў Менскую мастацкую вучэльню (1984). У 1981 годзе стаў адным з заснавальнікаў гурта "Фаворит", які ў 1982 годзе пераназваны ў "Мрою" - адзін зь першых незалежных беларускамоўных рок-гуртоў. У 1994 ініцыяваў пераўтварэньне "Мроі" у гурт N.R.M., дзе выступаў у якасьці вакаліста, гітарыста і суаўтара песень да 2011. Пасьля выступае ў сольнай якасьці і разам з гуртом "Крамбамбуля" (з 2002). Граў таксама ў гуртах "Новае Неба" (1991-1998, клявішы, бэк-вакал), ZET (2001-2006, вакал, аўтар песень), праектах "Народны альбом", "Сьвяты вечар", "Я нарадзіўся тут" ды інш.
Човен
Кліп на песьню «Човен» складаецца з малюнкаў мастачкі Елізаветы Ганчаровай. Лявон кажа, што ў яе атрымалася намаляваць цэлы новы сусьвет.
Лепшыя на сьвеце
У новым туры відэачарту возьме ўдзел кліп рэжысэра Арцёма Лобача на чарговую песьню з альбому «Гравітацыя» — «Лепшыя на сьвеце».
Апэрацыя адукацыя
У новым туры відэачарту на TuzinFM бярэ ўдзел кліп рэжысэра Сержа Аўсяньніка на песьню Лявона Вольскага «Апэрацыя адукацыя».
Зьніклыя людзі
У відэачарце на TuzinFM бярэ ўдзел кліп на песьню з новага альбому Лявона Вольскага «Зьніклыя людзі», які зьняў рэжысэр Арцём Лобач.
Героі не паміраюць
У першым туры відэачарту сэзону 2018/2019 бярэ ўдзел кліп рэжысэра Мацея Сабурава на новую песьню Лявона Вольскага «Героі не паміраюць», зьняты да 100-годзьдзя БНР.
Сьпявайце
Кліп рэжысэра Мацея Сабурава на песьню Лявона Вольскага «Сьпявайце!», які аб’яднаў фанатаў і музыкаў з розных краінаў, бярэ ўдзел у зімовым відэачарце на TuzinFM.
Цёплае мінулае
У відэачарце на Tuzin.fm возьме ўдзел новы кліп Лявона Вольскага на песьню «Цёплае мінулае» з альбому «Псыхасаматыка». Яго стварыў рэжысэр Мацей Сабураў на падставе фотаздымкаў музыкі ад часоў дзяцінства да нашых дзён.
Маё каханьне
Самая кранальная баляда Вольскага апошніх гадоў «Маё каханьне» атрымала сваё відэаўвасабленьне.
Шэрая кроў
У відэачарце на Tuzin.fm кліп на песьню «Шэрая кроў» з альбому Лявона Вольскага «Грамадазнаўства». Цікава, што гэта другая вэрсія кліпу на адну і тую ж песьню.
Вера, Надзея, Любоў
Кліп на дуэтную песьню Лявона Вольскага і Ганны Хітрык «Вера, Надзея, Любоў» рэжысэра Матвея Сабурава бярэ ўдзел у першым туры відэа-чарту на «Тузіне Гітоў».