TonqiXod
Трыа TonqiXod узьнікла ў 2011 годзе. У яго склад уваходзяць Максім Субач (клавішы, вакал), Уладзімір Лянкевіч (гітара, вакал) і Андрэй Аляксеенка (барабаны). Доўгі час музыкі рэпетавалі і пісалі матэрыял, а на пачатку 2013 года пачалі стала выступаць разам. Далі шэраг выступаў у розных клюбах Менску, на адкрыцьцях выставаў у музэях і на літаратурных фэстывалях. Па выніках працы ў 2013 намінаваны на прэмію «Дэбют году» па версіі музычнага сайту Tuzin.fm. Па выніках 2014 перамог на ўзнагародах Experty.by з альбомам "Pradmova" у намінацыях "Найлепшы дэбютны альбом", "Найлепшы беларускамоўны альбом", "Найлепшы рок-альбом" і ўзяў "Прыз штатных экспэртаў", як альбом году.
TonqiXod далучыўся да праекту «Тузін.Немаўля» (відэа)
Гурт зацікавіўся беларускім нямым кіно 20—30-х гадоў XX cтагодзьдзя і цяпер піша саўндтрэк да стужкі «Нянавісьць» Юрыя Тарыча.
Tonqixod дае аўтограф-сэсію з нагоды выхаду CD-вэрсіі «Прадмовы» (відэа)
Расхвалены на ўсе лады альбом рок-трыё выходзіць 15 красавіка, напярэдадні іх першага вялікага канцэрту ў Тэатры беларускай драматургіі. З гэтай нагоды музыкі дадуць аўтограф-сэсію ў кнігарні «Логвінаў».
Тацяна Заміроўская пра «Прадмову» ад TonqiXod: «Гэта ашаламляльны альбом» (аўдыё)
Музычная журналістка мяркуе, што слухаць новы рэліз арт-рокавага трыё было б немагчыма, калі гэта не было б так выдатна.
TonqiXod выканалі «Celebration of Lizard» Джыма Морысана — упершыню па-беларуску (відэа)
Эпічны твор The Doors прагучаў па-беларуску ў перакладзе Ўладзя Лянкевіча.
Уладзь Лянкевіч: «Прасьпяваць можна абсалютна ўсё» (відэа)
Уладальнік літаратурнай прэміі «Дэбют-2013» імя Максіма Багдановіча і вакаліст гурта Tonqixod зьвярнуўся да маладых беларускіх музыкаў з нагоды конкурсу «Засьпявай.BY».