Палац
Гурт утвораны ў 1992 ў Менску. Першая назва - "Дворец кукурузных палочек". Пачынальнікі стылю "фольк-мадэрн" у беларускай музыцы (традыцыйны фальклор, аранжаваны ў адпаведнасьцю з актуальнымі музычнымі тэндэнцыямі з выкарыстаньнем сэмплаў). З "Палацу" пачалі кар'еру Ю.Выдронак, В.Круглова, З.Вайцюшкевіч. Некаторыя ўзнагароды: ляўрэаты конкурсу Dickovery France International (1993), "Традыцыі і сучаснасьць" (Рок-Каранацыя-95 і 96), "Кліп году" (2001, "На турэцкіх палях"), "Найлепшы фольк-альбом году-2012" на Experty.by
Коцік-бомж
Да Міжнароднага дня абароны жывёлаў — World Animal Day, які адзначаецца 4 кастрычніка, гурт «Палац» прэзэнтуе на TuzinFM новы самотнік «Коцік-бомж» і афіцыйнае лірык-відэа да гэтай песьні.
Кола грукатала
У зімовым туры на TuzinFM возьме ўдзел песьня «Кола грукатала» ў джазавай апрацоўцы, якую Алег Хаменка выканаў з гуртом Apple Tea.
Добра песьня
Гурт «Палац» прэзэнтуе на Tuzin.fm «Добру песьню» — пазытыўны твор, напісаны ў абставінах ня надта спрыяльных для весялосьці.
Забі амэрыканца
«Тузін Гітоў» пачынае знаёміць наведнікаў парталу з удзельнікамі праекту, прысьвечанаму гурту Neuro Dubel. Адным зь першых працу над кавэрам для трыб’юту скончыў гурт «Палац». Лідэр каманды Алег Хаменка прэзэнтуе на меркаваньне слухачоў песьню «Забі амэрыканца».
Шэрая поўсьць
Гурт «Палац» прадстаўляе ў пятым туры аўдыё-чарту на Tuzin.fm свой аўтарскі твор «Шэрая поўсьць», які часта блытаюць з народным сьпевам.