Иллюминация
Трэці студыйны альбом гурту, які заснавалі Арцём Лук’яненка і Ксенія Жук, выдадзены акурат у дзень беларускага адбору на «Эўравізію».
Гэты альбом музыкі рыхтавалі нетаропка — праца над ім пачалася амаль год таму. За гэты час канчаткова аформіўся жывы склад каманды. З Арцёмам (вакал, гітара) і Ксюшаю (вакал, клявішы) над рэлізам працавалі Ўлад Чашчавік (бас), Аляксандар Табольскі (электрагітара), Уладзімер Бегер (бубны). Матэрыял для альбому пісалі без аніякіх накладаньняў — чыста ўжывую. Праца вялася на трох менскіх студыях — «ToneTwins», «SunFlowers», «EverestMedia», зьвядзеньне і майстарынг рабіўся на «ToneTwins». Прычым ня ўсе песьні, якія зафіксавалі, увайшлі ў выніковую вэрсію. Па выніку іх пакінулі толькі восем. Музыкі кажуць пра неверагодны прагрэс, якога дасягнулі ў супрацы між сабою за час падрыхтоўкі «Иллюминации» і лічаць альбом найбольш сьпелым у сваёй дыскаграфіі.
У вэрсіі альбому на Soundcloud адсутнічае твор «Колыбельная», запісаны пры ўдзеле расейскага пісьменьніка Яўгена Грышкаўца. Ён даступны для праслухоўваньня асобна, на Yandex.Музыка. Спампаваць альбом цалкам можна праз Google Drive.
Tuzin.fm
ЧЫТАЙЦЕ ТАКСАМА:
КАМЕНТАВАЦЬ