У маёй галаве
Новае музычнае відэа BosaeSonca было зьнята ў выніку пэрформансу, які музыкі зладзілі ля менскай Ратушы.
Шызафрэнія
Гурт Green Pills прадстаўляе ў відэачарце на Tuzin.fm кліп на песьню «Шызафрэнія» рэжысэра Аляксандра Крупіны. Са словаў музыкаў, ім карцела паказаць «тыповую шызу», каб нармальны чалавек паглядзеў ды нічога не зразумеў.
Толькі разам
У новым туры відэачарту на Tuzin.fm гурт HandmadE прадстаўляе кліп на песьню «Толькі разам» аўтарства Інгі Купчынай, дызайнэра, фатографа ды ўладальніцы салёну прыгажосьці. Словы напісаў Глеб Лабадзенка.
Разрываеш
У новым туры відэачарту на Tuzin.fm гурт Amaroka прадстаўляе кліп «Разрываеш» рэжысэра Аляксандра Крупіны. У галоўнай ролі — гонар беларускай лёгкай атлетыкі і проста прыгожая дзяўчына Аліна Талай.
Горад
У новым туры відэачарту на Tuzin.fm бярэ ўдзел кліп «Горад» гурта Recha, які быў уганараваны прызамі на васьмі фэстывалях у Беларусі, Расеі, Баўгарыі і Гішпаніі.
Месяц
Кліп «Месяц» падзяліў прыхільнікаў «Ляпісаў» на тых, хто гатовы прыняць беларускамоўнага Міхалка і тых, хто канчаткова расчараваўся ў новай творчасьці калісьці ўлюбёнага гурта.
Бегчы
У трэцім туры відэа-чарту на Tuzin.fm гурт Akute прадстаўляе свой першы афіцыйны кліп на песьню «Бегчы».
Танчыць
У другім туры відэа-чарту на Tuzin.fm гурт ili-ili прадстаўляе кліп на песьню «Танчыць» аўтарства Ideas studio.
Вера, Надзея, Любоў
Кліп на дуэтную песьню Лявона Вольскага і Ганны Хітрык «Вера, Надзея, Любоў» рэжысэра Матвея Сабурава бярэ ўдзел у першым туры відэа-чарту на «Тузіне Гітоў».
Давай на раз, два, тры
Гурт Hurma прадстаўляе ў відэачарце на Tuzin.fm кліп на новую песьню «Давай на раз, два, тры». Музыкі, якія з год таму вырашылі ўзяцца за стварэньне нацыянальнага музычнага брэнду, вярнуліся да свайго фірмовага «халоднага» гучаньня. Такім выйшаў і ролік.
Добразычлівая
Гурт Recha прадстаўляе ў першым туры відэа-чарту на «Тузіне Гітоў» ролік на песьню «Добразычлівая» з сваёй неабсяжнай відэаграфіі. З гэтай нагоды Андрусь Такінданг распавёў у чым бачыць сэнс здымаць кліпы.
Batracka dola
У першым відэа-туры на «Тузіне Гітоў» польскі праект R.U.T.A. прадстаўляе кліп на песьню «Batracka Dola», запісаны разам зь беларускай сьпявачкай Настай Някрасавай. Ён цалкам не супадае з навязанай трактоўкай «Мы беларусы – мірныя людзі».
13
У першым туры відэа-чарту на «Тузіне Гітоў» гурт «Кашлаты Вох» прадстаўляе кліп на сваю песьню «13», зьняты ў тэхналёгіі stop-motion.
Абдымі мяне
У першым туры відэа-чарту на «Тузіне Гітоў» дэбютуе дуэт Navi, які стварылі Арцём Лук’яненка i Ксенія Жук. Музыкі прадстаўляюць сваё відэа на песьню «Абдымі мяне».
Станцыя
Праект Рамана Арлова прадстаўляе ў першым туры відэа-чарту на «Тузіне Гітоў» кліп на песьню «Станцыя», запісаны дуэтам з вакалістам расейскага гурта «Братья Грим» Косьцем Бурдаевым.
Сланечнікі
Гурт Ilo&Friends прадстаўляе ў першым туры відэа-чарту на «Тузіне Гітоў» кліп на песьню «Сланечнікі», напісаную на верш Анатоля Сыса. Яго стварыў рэжысэр Павал Дудка і яму была дадзена поўная свабода дзеяньняў. У выніку месцамі відэа атрымалася неадназначным.
Ні кроку назад
У першым туры відэа-чарту на «Тузіне Гітоў» бярэ ўдзел кліп на песьню «Ні кроку назад», якую выконвае Vinsent. Яна стала саўндтрэкам да фільму «Вышэй за неба». Выканаўца апявае Менск , каханьне і сваеасаблівую мэтафарычную вайну.
Небасхіл Эўропы
Відэа на песьню Аляксандра Рыбака «Небасхіл Эўропы» бярэ ўдзел у першым туры відэа-чарту на «Тузіне Гітоў». Нарвэскі сьпявак беларускага паходжаньня запісаў гэты твор для праекту «Будзьма! Тузін. Перазагрузка-2». Пасьля здымак у Кіеве ён прызнаўся, што заўжды думае пра Беларусь, калі выконвае гэты твор.
Рэкі пад ільдом
У першым туры відэа-чарту на «Тузіне Гітоў» бярэ ўдзел відэа «Рэкі пад ільдом», што зьняў VJ Medwedsky і Алесь Дземідзенка, лідэр і бубнач гурта Re1ikt. У здымках кліпа ўзялі ўдзел дзеячы гомельскага андэграўнду.
BY YOU
У першым туры відэа-чарту на «Тузіне Гітоў» гурт Naka прадстаўляе кліп, зроблены на песьню «BY YOU». Відэа, якое складаеццца з сотняў малюнкаў, стваралася цягам году.