«Мы выйшлі на вуліцу» — Nizkiz спяваюць пра правільныя крокі

Nizkiz прэзентуюць у аўдыёчарце TuzinFM песню «Правілы» — адну з самых светлых песен мірнага пратэсту.

Трэк «Правілы» выйшаў яшчэ ў чэрвені, калі вулічныя маршы і ланцугі салідарнасці былі яшчэ не такімі масавымі і сістэматычнымі.  

— Гэтая песня пра тое, што, як бы утульна і камфортна ні было ў сваім умоўным каранціне, трэба знайсці сілы выйсці з зоны камфорту і зрабіць крок у бок чагосьці новага, — кажа пра песню саліст гурта Аляксандр Ільін.

Пэўны час пасля рэлізу гэты трэк уваходзіў у топ-10 лепшых беларускіх песен у чарце Яндэкс.Музыкі.

Запісвалі песню ў Магілёве, на студыі Arzamas16. Звядзенне і майстарынг рабіў амерыканец Нікалас Эсіг. Абодва бакі засталіся задаволеныя: Нікалас упадабаў энэргію гурта, а Nizkiz сцвярджаюць, што ён удала і хутка адчуў патрэбнае гучанне.

На «Правілы» ёсць лірык-кліп, а бонусам ідзе бэкстэйдж-відэа з запісу песні. 

Nizkiz — Правілы 

Як нешта яскравае, што вядзе далей

як думкі за каваю: жыць і не сталець

як сэрца пазычыць і не забіраць            

я ведаю правілы, правілы

як слова, што камяні, падаюць да ног

у інших абставінах я б, канешне, змог

зрабіць штосьці важнае, а не абяцаць!

такія вось траблы, траблы

мы выйшлі на вуліцу, і кожны з нас

не ведау, куды ісці

напэуна, праз

гадзіну згубіліся б

але ж хтось уздыме сцяг

мы выйшлі на вуліцу знянацку так

каму мы патрэбныя, калі не сабе

калі  ўсё адметнае адмятае свет

калі позірк стомлены ачуняе зноу

і мы з табой марылі аб адным:

дзе тата з матуляю усміхаюцца

дзе наша утульнае пасароміць нас

і так нечакана сярод простых размоу

адчуеш, што правільна, правільна

мы выйшлі на вуліцу, і кожны з нас

не ведау, куды ісці

напэуна, праз

гадзіну згубіліся б

але ж хтось уздыме сцяг

мы выйшлі на вуліцу знянацку так