«Мы прачнемся іншымі» — Naviband спяваюць пра веру ў народ

Naviband прэзентуюць у аўдыёчарце TuzinFM песню «Іншымі» — гурт упэўнены ў абуджэнні беларусаў.

Яшчэ летам Naviband запісалі песню, якая была цёпла прынятая і вельмі падтрымала беларусаў. «Спім і не бачым сны, мы прачнемся іншымі» — гэтыя радкі падсумоўваюць яе ідэю.

Напярэдадні рэлізу музыкі пісалі на сваіх старонках:

— Тыя, хто з намі, ведаюць, што мы заўсёды абміналі тэму палітыкі, як бы ў яе нас не спрабавалі акунуць. Мы любім нашу краіну, спяваем на роднай мове і шчыра верым у свет, сілу і дабро нашых людзей, незалежна ад іх поглядаў! Мы не збіраліся выказвацца, таму звыклыя ісці па жыцці, робячы сваю справу без лішніх слоў. Таму мы выпускаем песню «Іншыя», у якой кожнае слова адлюстроўвае ўсё, што адбываецца цяпер вакол. 

Вокладку трэка абралі праз конкурс сярод слухачоў — перамагла Амалія Каралькова. Словы напісаў саліст бэнду Арцём Лук’яненка, а звядзеннем і майстарынгам займаўся Уладзіслаў Пашкевіч з гурта Val. 

Таксама на песню «Іншымі» ужо ёсць відэа — гэта live, зняты ў лесе.     

Naviband — Іншымі

Здавалася зусім адны

Здавалася вучылі зноўку словы

Маёй прастуджанай вясны

Змяняю колеры і шэптам толькі

Вочы акутаў дым

Спім і не бачым сны

Мы прачнемся іншымі

На глыбіні

⠀

Дзе мой апошні дом

Стане такім чужым

Мы прачнемся іншымі

На глыбіні

Здавалася лічылі дні

Засталіся лавіць халодны подых

Маёй разгубленай вясны

Змяняю колеры і шэптам толькі