50 трэкаў і 20 вобразаў у адным сьпеве. Дэбют амбітнага падлеткавага дуэту
15-гадовая Вера Саламонік і 17-гадовы Алесь Каленчыц утварылі дуэт, каб па-свойму даносіць усю прыгажосьць беларускага фольку. У сваім дэбютным відэа яны зьмянілі два дзясяткі вобразаў.
«Масьленка» — дэбютная праца дуэту Vera&Аlex, але самі ягоныя ўдзельнікі займаюцца вывучэньнем фальклёру зь дзяцінства. Яны неаднойчы з посьпехам выступалі ў конкурсах ды фэстах у Беларусі і за мяжою. У сваім новым праекце ў стылі нэафольк маладыя выканаўцы імкнуцца данесьці драйв беларускага народнага сьпеву.
Ідэя кампазыцыі і кліпу належыць сьпявачцы і пэдагогу Ірэне Катвіцкай. Яна распавядае, што праца як над аўдыёзапісам, так і над ягоным відэаўвасабленьнем вялася рупліва — Вера і Алесь запісалі 50 вакальных трэкаў, каб зрабіць багатую фактуру ў жанры а капэла, а на здымках кліпу зьмянілі 20 візуальных вобразаў. Відэа зьняў Міхаіл Бондар.
Vera&Аlex — Maslenka (рэжысэр — Міхаіл Бондар)
TuzinFM
ЧЫТАЙЦЕ ТАКСАМА:
КАМЕНТАВАЦЬ