Жывое лета на Свабодзе. Стартуе сэрыя канцэртаў у цэнтры Менску

На тэрасе «Двор», што месьціцца ва ўнутраным дворыку на плошчы Свабоды, 4 у Менску штотыдзень пры падтрымцы TuzinFM будуць праходзіць канцэрты беларускіх выканаўцаў з вольным уваходам.

Афіцыйна тэраса адкрылася 16 чэрвеня канцэртам гурту Intelligency. З гэтага тыдня канцэрты стануць пэрыядычнымі. Да канца ліпеня заплянавана зь дзясятак выступаў выканаўцаў розных стыляў — поп-рок, джаз, рок, блюз. Канцэпцыя арганізатара вечарынаў, кавярні ChillOut: нязмушаная атмасфэра, жывая аўтарская музыка, недарагі бар, разнастайная кухня. Увесь ліпень для наведнікаў канцэртаў будзе дзейнічаць зьніжка на новае мэню ў 20%, а таксама акцыя — два сушы ролы па цане аднаго. Разьлік на выдатны настрой і такое ж надвор’е, але і дождж ня будзе перашкодаю, бо тэраса крытая.

Уваход на ўсе канцэрты вольны. Забраніраваць столікі можна загадзя па тэлефоне +375 44 760-63-43. Пачатак усіх канцэртаў у 20:00. 

Расклад канцэртаў*

30.06 (пт)

K3tyvana and Chilli Band (jazz-rock)

1.07 (сб)

Iluzhan (jazz-rock)

3 (пн)

Harotnica Mix (jazz rave)

7.07 (пт)

Alise&Markuts Band (rock, blues)

14.07 (пт)

JazzFM, джаз-праект Андрэя Багамолава (Botanic Project)

21.07 (пт)

Bloomin' Bluezy Ship (blues, indie)

28.07 (пт)

Pauline (pop-rock)

Увага! У раскладзе могуць адбывацца зьмены. Сачыце за інфармацыяй у суполках TuzinFM і тэрасы «Двор».

TuzinFM