Беларускамоўны дэбют Дыяны Громавай (аўдыёпрэм’ера)
Абсалютная чэмпіёнка сьвету па вакале Дыяна Громава прадстаўляе на Tuzin.fm сваю першую беларускамоўную песьню.
Дыяна — адна з самых таленавітых сьпявачак краіны. У свае 18 гадоў яна мае нямала дасягненьняў: стала ляўрэатам 13 (!) міжнародных конкурсаў, тройчы трапляла ў фінальны адбор на дзіцячую «Эўравізію», перамагла ў праекце «Сузор’е надзей», а ў 2010 годзе стала абсалютнай чэмпіёнкай сьвету па вакале на XIV сусьветным чэмпіянаце ў Галяндыі. Яе песьня «Lady Diana» прызнаная найлепшай на чэмпіянаце сьвету па выканальніцкім мастацтве ў Галівудзе. Мае ганаровае званьне пасла добрай волі ЮНЭСКО.
Дагэтуль Дыяна сьпявала ў асноўным па-расейску. А цяпер вырашыла паспрабаваць сябе і ў беларускамоўнай творчасьці. Песьню для сьпявачкі напісаў і спрадусаваў Мікіта Найдзёнаў з гурта Hurma — дэбюту-2013 па вэрсіі Tuzin.fm. Песьню запісалі на студыі Orangerecords, за запіс і майстарынг адказным быў Сяргей Чайка, зводзіў — Уладзімер Трафіменка.
У падтрымку беларускамоўнага сынглу Дыяна мяркуе таксама зьняць кліп.
Tuzin.fm
ЧЫТАЙЦЕ ТАКСАМА:
Як вам дэбют Дыяны?
папса нават на беларускай мове ўсё адно застаецца папсой
факт
А вы, спадарства, супраць таго, каб у Беларусі была добрая поп-музыка на роднай мове?
Я за тое, каб на беларускай мове было ўсё!
КАМЕНТАВАЦЬ