Fridance. Адкрытыя на 100% (аўдыё)

Інтэрнацыянальны праект Fridance прадстаўляе ў аўдыёчарце песьню «Дым». Музыкі кажуць, што менавіта ў ёй яны адкрываюцца на ўсе 100%.

Fridance — гурт з Масквы, у якім сьпявае беларус Алесь Кот-Зайцаў. Нядаўна каманда выдала EP «Карусель», куды сярод іншага і ўвайшоў «Дым». «Гэта адзін зь першых нашых беларускамоўных твораў. Асаблівай стаўкі на яго не рабілі і ня думалі, што зь яе атрымаецца гіт, а ў выніку гледзячы на рэакцыю слухачоў мы сьмела можам назваць яе калі не гітом, то як мінімум адной з самых удалых песень гурта, — кажа Алесь. — І я маю тлумачэньне чаму. Бо ўсе песьні безумоўна ствараюцца па-сапраўднаму, з жывой энэргетыкай і шчырасьцю. Але „Дым“ на маю думку адна з тых рэдкіх песень, дзе ты адкрыты перад сваім слухачом на 100%. Як паказвае мой невялікі досьвед магічнае ўзаемадзеяньне між музыкам і слухачом узьнікае найчасьцей менавіта ў такіх выпадках. Веру ў тое, што гэтая магія ўзьнікне і ў наведнікаў Tuzin.fm».

Цяперашні пэрыяд музыкі з Fridance характаразуюць як «складаны і адначасова вельмі натхняльны» — яны рыхтуюцца да новых канцэртаў, запісу сьвежых песень і здымкаў кліпаў. У лістападзе гурт зьбіраецца даць некалькі сольных канцэртаў, а таксама ў чарговы раз разагрэць блізкага ім па духу артыста Yoav.

За навінамі гурта можна сачыць у іх афіцыйнай суполцы.

Fridance — Дым (музыка гурта, словы Алеся Ката-Зайцава). Зьмяшчаецца са згоды выканаўцы.

Tuzin.fm

Я ня веру

Тваім зорам

Ты ў свой космас

Я ў моры

Ты ня верыш

Маім музам

Я сам-насам

Гук за гукам

Пр.

Дым тваіх цыгарэт

Так салодка ўдыхаць

Мне бы

Быць у ночы тваёй

Цябе маляваць

Ільдом па шклу

Сьлязінкі сьціраць

Зь любімых вачэй

Мне бы

Сьмех твой чуць скрозь дажджы

Ты мая Victory’я

Мой сусьвет, вайна мая

Ты мая history’я

Патанай у love story