Neuro Dubel
Утварыўся ў 1989 у Менску. Выступае з 1991. За аснову ўзялі панк-рок, самавызначэньне стылю - "дзьвюхмоўны ракенрол". У дыскаграфіі - 14 альбомаў, у кліпаграфіі - 17 відэа. Гурт году на "Рок-Каранацыі" у 1998 і 2007. Перамагаў таксама ў намінацыях "Кліп" (1998), "Альбом" (1999, 2005, 2007), Гран-пры Ленінградскага рок-клюбу на фэсьце "Балтыйскі бераг" (С-Пб, 1998), "Альбом году" па вэрсіі Tuzin.fm (2010)...
Belsat Music Live памяці Аляксандра Кульлінковіча (поўнае відэа)
У студыі аўтарскага тэлепраекту Сяргея Будкіна Belsat Music Live сабраліся калегі і сябры лідэра гурта Neuro Dubel, каб падзяліцца ўспамінамі пра гэтую яскравую асобу. І, канечне, прасьпяваць песьні, безь якіх немагчыма ўявіць беларускую музыку.
Сяргей Будкін. Мой Кульлінковіч (аўдыё/фота/відэа)
4 ліпеня 1997 году. Парк Купалы ля дзяржаўнага цырку. Сцэна стаіць акурат ля помніку Купалу. Тут я ўпершыню пачуў ужывую Neuro Dubel і пабачыў Кульлінковіча на ўласныя вочы.
Памёр лідэр Neuro Dubel Аляксандар Кульлінковіч
Раніцай 4 жніўня пайшоў у іншы сьвет Аляксандар Кульлінковіч. Пра гэта TuzinFM паведамілі музыкі гурта, інфармацыю пацьвердзілі ў 3-й клінічнай больніцы Менску.
Першы
У альбомным чарце на TuzinFM бярэ ўдзел альбом «Першы», а на самой справе 16-ы студыйны дыск гурту Neuro Dubel.
Першы
Гурт Neuro Dubel прэзэнтуе ў другім туры аўдыёчарту TuzіnFM жывую вэрсію песьні «Першы», якая стала загалоўнай на іх 16-м студыйным альбоме.
Belsat Music Live №14. Neuro Dubel — жывейшы за ўсіх жывых!
Госьці новага выданьня аўтарскай праграмы Сяргея Будкіна Belsat Music Live — старэйшыны беларускай панк-рокавай сцэны, гурт Neuro Dubel.
На Марс!
На 15-м нумарным альбоме Кульлінковіча няма ані стомленасьці, ані вымучанасьці, ані самапаўтораў. Гэта нататкі чалавека, які згубіўся ў грамадзтве шырспажыву. Яму, падобна, лёсам наканавана блукаць да скону, бо выхад з унівэрсаму замураваны. А так хочацца ўзьняцца па-над усім гэтым нікчэмным дзярмом.
Neuro Dubel на мяжы распаду
Пасьля прэзэнтацыі альбому «На Марс!» далейшае існаваньне каманды з 26-гадовай гісторыяй аказалася пад пагрозай.
На Марс!
Гурт Аляксандра Кульлінковіча прэзэнтуе на Tuzin.fm загалоўны трэк з свайго новага альбому «На Марс!». Музыкі заяўляюць, што гэта адзіны трэк з дыску, які мае дачыненьне да космасу, але любоў да яго перадусім.
Гісторыя Neuro Dubel у 25-ці эпізодах (шмат фота!)
Час «Че.КА» і «Трох парсючкоў», карона ад Мулявіна і сустрэча з Мамонавым, фотасэсія зь дзеўкамі ды ў валёнках, канцэрт у майтках ды іншыя цікавосткі з 25-гадовай гісторыі галоўных панкаў краіны.