Выпіць і паплакаць. Мядляк найвышэйшае пробы ад Клюева і Белавуса (аўдыё)

Сьпявак Пётар Клюеў разам з кіраўніком «Арт-сядзібы» Паўлам Белавусам, які запусьціў уласны рэп-праект Bumitlum, прэзэнтуюць у 9-м туры аўдыёчарту сумесную песьню «Люблю ці кахаю».

Тэкст песьні напісаў Павал Белавус, ён жа паўдзельнічаў у запісе рэп-часткі кампазыцыі як Bumitlum. «Калі я служыў у войску, а гэта было шэсьць гадоў таму, у мяне было шмат часу для фантазіяў, мараў і творчасьці. Тады я і прыдумаў сабе вобраз рэпэра Bumitlum’a, ды напісаў шмат тэкстаў і вершаў на актуальныя тэмы. Я начытваў свае тэксты пад біт на тэлефон і марыў, што гэта стане крутым і злым альбомам. Цяпер перачытаў тэксты і зразумеў, што іх актуальнасьць ня зьнікла», — сказаў Павал з нагоды прэм’еры песьні ў аўдыёчарце на Tuzin.fm. Канкрэтна гэты тэкст ён напісаў пра свайго сябру — сьпевака Пятра Клюева ды ягоныя амурныя прыгоды. Той адгукнуўся з імпэтам ды напісаў гітовую мэлёдыю. «Такой песьні моцна не ставала, маю спадзеў, што гэты мядляк пойдзе ў народ і пад яго вып’юць, патанчаць ды паплачуць нямала дзяўчат!» — кажа Пётар. Песьня каштоўныя яшчэ і тым, што раскрывае беларускую моўную загадку — розьніцу сэнсаў паміж словамі «люблю» і «кахаю».

Пётар Клюеў ужо ва ўсю сьпявае «Люблю ці кахаю» на сваіх канцэртах і людзі яе падхопліваюць імгненна. Што да рэп-праекту Паўла Белавуса, то ён абяцае аформіць у рэп-творы іншыя свае тэксты, калі ягоны першы досьвед пазытыўна ацэняць слухачы.

Piotr Klujeu feat Bumitlum — Люблю ці кахаю (музыка Пятра Клюева, словы Паўла Белавуса). Зьмяшчаецца са згоды выканаўцы.

Люблю ці кахаю, сябе я зноў пытаю…

Лячу да цябе, а потым зьнiкаю.

Адчуць водар твой зноў маю надзею.

Я танчу з табой і вар’яцею.

Ты б’еш алькаголем у маё сэрца,

І цягнеш дадому, каб разам сагрэцца.

А ранкам прачнуся…

Чаму зноў зьбягаю?

Не разумею, люблю ці кахаю!

Я так люблю цябе,

Я так хачу цябе.

Моцна і дакладна