Vuraj
Заснаваны ў 2010 удзельнікамі гурту Fratrez. Экспэрымэнтуе з аўтэнтычным сьпеўным матэрыялам, ствараючы новыя творы адмысловага гучаньня. Удзельнік шэрагу фэстаў у Беларусі, Польшчы, Украіне, Расеі: "Пустые холмы-2010", "Басовішча-2011","Камяніца-2012", "Країна Мрій-2013" ды інш. Першы cтудыйны альбом "Rajok" (2014) выдаў на лэйлбле "Наш фармат" (Украіна).
Настроі
Гурт Vuraj напісаў першую песьню ў сваёй гісторыі на аўтарскі верш. Для праекту TuzinFM «(Не)расстраляная паэзія» каманда Сяргея Доўгушава паклала на музыку твор Юркі Лявоннага, у якім перадаў у музыцы ўсё жыцьцё паэта.
Ой, лятала
Народны сьпеў з Вушачаў «Ой, лятала», які вельмі любіў Народны паэт і яго маці Акуліна Андрэеўна, загучаў у фольк-рок аранжыроўцы дзякуючы Сержуку Доўгашаву.
Шчодры вэчор
Гурт Vuraj акурат на дзень свайго 5-годзьдзя прэзэнтуе песьню «Шчодры вэчор», зробленую разам з электронным праектам CherryVata для праекту «Новае пакаленьне на Новы год».
Вэлытай, пэрэпылко
У новым туры аўдыёчарту на Tuzin.fm гурт Vuraj прадстаўляе самы моцны і магічны нумар з свайго альбому «Раёк» — палескую песьню «Вэлытай, пэрэпылко», якая мае ўсе шанцы стаць беларускай «We Will Rock You».