3012 / 7
17.09.2014

Гэта правал. Recha засьпявалі на замежнай мове (відэа)

Гурт Recha прадставіў кліп на песьню «Собака» — першы свой трэк, запісаны па-расейску.

Сама песьня была запісаная яшчэ з чатыры гады таму, а кліп на яе змантавалі з кадраў, зьнятых у Вільні, Бэрліне і Менску. «Гэты нумар на замежнай для мяне мове поўніцца самаіроніяй, і ня варта ўспрымаць „Собаку“ задужа сур’ёзна — плюйце на правакацыі, у тым ліку і нашыя», — тлумачыць лідэр гурта Recha Андрусь Такінданг з нагоды прэзэнтацыі роліку на Ultra-Music.com.

Цяпер музыкі рыхтуюць да выданьня свой першы альбом. У яго ўвойдзе яшчэ адна песьня на замежнай мове — «Друг».

Tuzin.fm

КАМЕНТАРЫ:

  • Hanna / адказаць
    18.09.2014 / 00:03

    Тузін, па ходу вы лажанулі

  • 12tuzin@gmail.com / адказаць
    18.09.2014 / 10:58

    Чаму?

  • Jauhien Sokalau
    Jauhien Sokalau / адказаць
    18.09.2014 / 11:08

    Павесць гучны цэтлік "правал" і пры гэтым адзінае, што не спадабалася (наколькі можна толькі здагадвацца з тэксту), - гэта мова песні. Неяк матэр'ял узроўню асабстага мікраблогу, а не музычнага сайту.

  • 12tuzin@gmail.com / адказаць
    18.09.2014 / 11:17

    У гэтым і сутнасьць разьдзелу "жамерыны", Яўген. Сьціслыя навіны, часам з эмацыйнаафарбаванымі загалоўкамі. Аналітыка - у разьдзеле "рэцэнзіі".

  • Hanna / адказаць
    18.09.2014 / 13:41

    можа, варта было б удакладніць у музыкаў гурта, што будзе ўваходзіць у альбом, а што не? а то Вам, усё ж такі, нехта можа паверыць. А так, падобна на тое, што вучыцеся ў расійскіх СМІ.

    З іншага боку, дрэнны піяр - таксама піяр.

  • Кастусь / адказаць
    29.09.2014 / 16:23

    І я лічу, што жоўты загаловак. Занадта суб'ектыўна, паважаны Тузін.

  • Франк / адказаць
    03.10.2014 / 03:08

    русофобия?)))

  • КАМЕНТАВАЦЬ