«Ветах» выдалі на DVD відэавэрсію канцэрту ў Празе (відэа)
Постфольк-гурт з 18-гадовай гісторыяй прадставіў дыск пад назвай «Bohemian etude: Vietakh in Prague».
Гэтая праграма была паказаная ў Празе для мясцовых беларусаў. Яна ўключыла кампазыцыі «Гапак», «Базар», «Валах», «Дубочак», «Дуда-весялуха» ды іншыя, у якіх музыкі аднаўляюць каранёвае беларускае гучаньне. Гурт адметны тым, што пераймае аўтэнтычны спосаб выкананьня твораў. У іх рэпэртуар уваходзяць каляндарныя і працоўныя песьні, дударская і смыковая музыка, гульні, абрады і танцы паўночнай, заходняй і цэнтральнай Беларусі. Праграма «Bohemian etude» ўключае таксама багаты мультымэдыйны складнік: краявіды і антрапалёгія Беларусі мяжы ХІХ—ХХ стагодзьдзяў, відэахроніка ды этнаграфічныя матэрыялы.
Гэта ўжо чацьверты DVD у гісторыі гурту. Да гэтага выходзілі «Vietah Live on DVD» (2006), «Дуды Юр’я зімовага» (2008), «Vietakh live at Menuo Juodaragis XV» (2013).
Tuzin.fm
ЧЫТАЙЦЕ ТАКСАМА:
КАМЕНТАВАЦЬ