Tadeush: «Надзея ў кожнага свая» (аўдыё)
2866 / 0
01.09.2016

Tadeush: «Надзея ў кожнага свая» (аўдыё)

Музыкі з гурта Tadeush прэзэнтавалі другі самотнік.

Кампазыцыю «Надзея» музыкі запісалі летась, цягам 2016-га даводзілі яе да ладу і вось цяпер паказваюць слухачам. Гэта другі самотнік менскага рок-гурта. Іх дэбютны трэк «Цэглы дзень» двойчы перамагаў у аўдыёчарце на Tuzin.fm. «Лічым, што наша песьня атрымалася яркай і эмацыйнай. Кожны з нас укладае ў вобраз надзеі нешта сваё, асабістае і сакральнае. З гэтай прычыны тэкст прасякнуты шчырасьцю і сюррэалізмам, каб кожны слухач мог напоўніць кампазыцыю сваім сэнсам і перажываньнямі», — кажа пра сваю новую працу аўтар песьні Андрэй Бурбо.

У найбліжэйшых намерах музыкаў распачаць актыўную канцэртную дзейнасьць і пачаць запіс EP.

Tuzin.fm