Эрык Арлоў-Шымкус: "Для сілавікоў няважна, хто ты"

Эрык Арлоў-Шымкус — купалавец, музыка гуртоў Harotnica mix і Luty Sakavik. Пры затрыманні яго збівалі дубінкамі і памячалі маркерам, у камеры адключалі ацяпленне. З Акрэсціна ён выйшаў у статусе падазраванага па крымінальнай справе.

Эрыка затрымалі на маршы 25 кастрычніка. А 18-й гадзіне ён быў на вуліцы Арлоўскай, калі пачаліся выбухі.

«Мы пабеглі хавацца ў пад’езд — нас там было чалавек 15, калі не больш. Адзін мужчына пускаў у кватэру схадзіць у прыбіральню, папіць вады. Мы стараліся ціха стаяць. А пасля ў пад’езд зайшлі жыхары, якія па іншы ідэалагічны бок. У нейкі момант бабуля крыкнула сілавікам: «Яны тут!», — распавядае музыка.

Дубінкай разбілі Эрыкаў тэлефон. На вуліцы яго паднялі за валасы і на левай шчацэ паставілі метку маркерам. У аўтазаку хлопцу прыляцела некалькі тумакоў па галаве.

Купалаўца даставілі ў Цэнтральнае РУУС.

«Калі хтосьці з супрацоўнікаў бачыў маю метку, казаў: о, ну ўсе, ты папаў. Я распавядаў адно — яны надрукавалі зусім іншае. Спрабавалі навязаць, што я біў амапаўца, падсоўвалі такі пратакол. Я, канечне, падпісваць адмовіўся, бо гэта хлусня.

У РУУС час ад часу былі розныя пагрозы, што са мной зробяць амапаўцы. Але на шчасце, больш ніхто не біў», — дзеліцца Эрык.

Пра тое, што пачалі затрымліваць музыкаў, Эрык даведаўся яшчэ на Акрэсціна. Спачатку ўбачыў праз вакенца перадачу для свайго сябра. У апошнія дні ў ізалятары чуў, як хтосьці спявае моцным харавым голасам. У адной з камер, дарэчы, штодзень спявалі дзяўчаты. Некаторыя наглядчыкі ім падыгрывалі: «Давайце «Купалінку».

Музыка ўспамінае, як прэс-служба МУС хацела запісаць з ім пакаяльнае відэа:

«Я ім, мякка кажучы, адмовіў, хоць яны дзве спробы зрабілі. Казаў, што не давяраю ім і гэта не мае ніякага працэсуальнага дачынення да маіх спраў. А яны запытвалі, ці кідаў я камяні».

На затрыманні творчай інтэлігенцыі купалавец рэагуе эмацыйна.

Разам з лідарам «Рэха» Андрусём Такіндангам, якога затрымалі 7 лістапада

«Калі знік паэт Строцаў, мяне гэта зачапіла, бо я ведаю, наколькі ён бяскрыўдны чалавек. Для сілавікоў няважна, хто ты — музыка, супрацоўнік кабельных сетак, айцішнік ці менеджар сярэдняга звяна. Для іх мы проста адзінкі.

паводле nashaniva.by

Тэгi:

Эрык Арлоў-Шымкус