Этна-трыё «Троіца» сыграла на фэсьце Womad у Чылі (відэа)
Гурт Івана Кірчука ўпершыню выступіў у Паўднёвай Амэрыцы.
Беларускі гурт на запрашэньне арганізатараў Womad Chili адыграў гадзінны сэт у заключны трэці дзень фэсту ў Сант’яга 14 лютага. На яго выступе на адной з галоўных сцэнаў прысутнічала каля 600 чалавек. «Нас вельмі добра прынялі, але мы ўсьведамлялі, што для слухачоў наш гурт — поўная экзотыка, — распавёў для Tuzin.fm удзельнік каманды Юры Паўлоўскі. — На сцэну выходзілі пераважна афрыканскія і лацінаамэрыканскія музыкі, была яшчэ група з Польшчы, але мы іх не пабачылі, занадта было мала часу і шмат працы».
Фэстываль Womad (фактычна гэта скарачэньне ад «World of Music, Arts and Dance») быў заснаваны 26 гадоў таму Пітэрам Гэбрыелам. Сьпярша ён праводзіўся ў Вялікабрытаніі, а потым распаўсюдзіўся па ўсім сьвеце (Арабскія Эміраты, ЗША, Аўстралія, Чылі ды іншыя краіны). У 2001 годзе Womad быў занесены ў кнігу рэкордаў Гінэса, як найбуйнейшы музычны фэст плянэты.
Найбліжэйшы выступ этна-трыё «Троіца» ў Менску пройдзе 8 красавіка ў Тэатры эстрады.
Tuzin.fm, відэа Womad Chili
ЧЫТАЙЦЕ ТАКСАМА:
КАМЕНТАВАЦЬ