«Бусламі на поўдзень». Цёмны фольк з Бабруйску (відэа)
Праект Яўгена Купчанкі прадставіў дэма-альбом і дэбютнае відэа.
«Бусламі на поўдзень» паўстаў з акустычнага гурта «Черно/белое Солнце», які Яўген стварыў разам зь сябрамі. Два гады таму ён зацікавіўся іншай музыкай і заснаваў сольны праект. «Спачатку я перакладаў свае ранейшыя песьні ды рабіў для іх іншую аранжыроўку, а далей стаў прыдумваць новыя вершы, — тлумачыць Яўген Купчанка. — Сам пішу музыку, сам граю і сам запісваю. Атрымліваецца змрочна і атмасфэрна. Стылістыка музыкі ад дарк-фольку да пост-панку і пост-року».
У сеціва ўжо выкладзены дэма-альбом гурта «Бусламі на поўдзень». У яго падтрымку быў зьняты кліп на песьню «Сьвітанак». Зрабіў яго лідэр праекту не выходзячы з уласнага пакою. «Сама песьня пра ўзаемаадносіны мужчыны і жанчыны, а вось кліп зусім пра іншае — фактычна ў ім можна ўбачыць, як я пішу свае песьні пад моцную гарбату».
Яўген зьбіраецца экспэрымэнтаваць у сваім праекце, але і ў новых творах абяцае «быць такім жа чорным». Сачыць за навінамі праекту можна праз афіцыйную суполку.
Tuzin.fm
ЧЫТАЙЦЕ ТАКСАМА:
Вы сур'езна?!?!
КАМЕНТАВАЦЬ