Amaroka сыграе на «Менск гей-прайд-2013»
Менскі панк-рок-гурт Amaroka адыграе канцэрт для ўдзельнікаў фэстывалю «Менск гей-прайд-2013».
6 cьнежня ў Менску пачнецца «Менск гей-прайд» — традыцыйны фэстываль, які праводзіцца ў падтрымку талерантнага стаўленьня да геяў, лесьбіянак, бісэксуалаў і трансгендэраў у Беларусі. У канцэртнай частцы мерапрыемства заяўлены выступ беларускамоўнай панк-каманды Amaroka. Яе лідэр Зьміцер Афанасенка пацьвердзіў гэтую інфармацыю парталу Tuzin.fm. «Amaroka грае. І тут няма насамрэч чаго камэнтаваць. Усе сучасныя праблемы беларускага грамадзтва зьвязаныя з глыбокім кансэрватызмам і боязьзю любых зьменаў. Нашае грамадзтва прыкрываецца савецкім мітам беларускай талерантнасьці і зьмены ня прыдуць самі, трэба прапагандаваць правы чалавека ды эўрапейскія каштоўнасьці».
Дагэтуль публічна ў падтрымку правоў сэксуальных меншасьцяў заяўлялі сьпявачкі Руся, Кацярына Пытлева, гурты Open Space, Naka і «Разьбітае сэрца пацана».
Tuzin.fm
ЧЫТАЙЦЕ ТАКСАМА:
Пытаньне да наведнікаў - ці ўхваляеце ўчынак музыкаў?
Адназначна - не.
Ой, а чаму б і не? Проста яшчэ адзін выступ. Калі не разгоняць, вядома ж. У нас могуць)
не ўхваляю. нешта амарока змяняецца ў маіх вачах
цікава паглядзець на публіку ў залі для якой будуць граць музыкі
Брыдота.
Як высьветлілася, клюб Loft, дзе меўся быць канцэрт не падзяляе памкненьняў музыкаў.
http://www.svaboda.org/content/article/25191753.html
З талерантнай песьняй "Разрываеш"
КАМЕНТАВАЦЬ