Akute
Cтвораны ў 2008 годзе ў Магілёве былымі ўдзельнікамі гурта «Глюкі» — Стасам Мытнікам (вакал, гітара) і Раманам Жыгаравым (бас-гітара). Пры канцы 2009 году Akute зь першай песьняй «Адзіноцтва» перамаглі ў гіт-парадзе на Tuzin.fm. Пераможцы «Басовішча-2010», «Верціфэст-2010» (Кіеў), ляўрэаты «Graffiti Open Music Fest — 2010», намінацыі «Рок-прарыў году» на «Рок-Каранацыі-2011», «Героі году» ў 2012 па вэрсіі Tuzin.fm, «Гурт году» ў 2012 на прэміях «Даём рады», Ultra-Music Awards і Rock Profi…
Весела
Кампазыцыя «Весела» з новага альбому «V» магілёўскага гурта бярэ ўдзел у аўдыёчарце на TuzinFM.
Усе песьні сьпетыя
Магілёўскі гурт прэзэнтуе ў чарце на TuzinFM песьню пасьля якой, як сьцьвярджаюць музыкі, ніхто і ніколі ня зможа быць такім, як раней.
Крок уперад
У зімовым туры аўдыёчарту на TuzinFM, у якім бяруць удзел абраныя запісы з праграмы Belsat Music Live, гурт Akute прэзэнтуе песьню «Крок уперад», якая дагэтуль выконвалася выключна на сяброўскіх вечарынах.
Я цябе пакахаў
Гурт Akute прэзэнтуе на TuzinFM свой новы твор «Я цябе пакахаў», запісаны для праекту «(Не)расстраляная паэзія» на словы паэта Анатоля Вольнага.
Калі я б застаўся з табой
У дзень жывой прэзэнтацыі альбому «Płastyka» ў Менску гурт Akute прадстаўляе ў межах чарту на Tuzin.fm песьню «Калі б я застаўся з табой» — галоўны гіт з новае плыты.
О Божа мой
Магілёўскі гурт прадстаўляе на Tuzin.fm сваю новую песьню «О Божа мой», у якой музыкі вядуць размову з Богам, як з даўнім сябрам.
Марнатраўны сын
Гурт Akute прадстаўляе ў аўдыёчарце на Tuzin.fm сваё бачаньне ўзорнага гіта сярэдзіны 90-х гурта Ulis. У іхняй гіпстэр-вэрсіі «Марнатраўны сын» пераўтварыўся са змагара ў пафігіста.
Алеся
Гурт Akute падрыхтаваў для праекту «Re:Песьняры» сваю вэрсію песьні «Алеся», запісаную з жывой віялянчэльлю.
Прамяні pt.2 (Sviaci)
Новая песьня гурта Akute «Прамяні pt.2 (Sviaci)» бярэ ўдзел у новым туры гіт-параду на «Тузіне Гітоў». «Гэта другая частка нашага вялікага твору пад назвай „Прамяні“, на ТГ упершыню можна пачуць яе ў альбомнай вэрсіі», — кажа аўтар песьні Раман Жыгараў.
Адзіноцтва
Магілёўскі гурт Akute — праект былых удзельнікаў гурта «Глюкі» Рамана Жыгарава і Стаса Мытніка. Яны дэбютуюць з сваім трэкам "Адзіноцтва"
Наскрозь
У першым туры гіт-параду на «Тузіне Гітоў» гурт Akute прадстаўляе сваю песьню «Наскрозь». Са слоў музыкаў, менавіта яна прадвызначыла асноўную лінію іх трэцяга альбома.