TonqiXod
Трыа TonqiXod узьнікла ў 2011 годзе. У яго склад уваходзяць Максім Субач (клавішы, вакал), Уладзімір Лянкевіч (гітара, вакал) і Андрэй Аляксеенка (барабаны). Доўгі час музыкі рэпетавалі і пісалі матэрыял, а на пачатку 2013 года пачалі стала выступаць разам. Далі шэраг выступаў у розных клюбах Менску, на адкрыцьцях выставаў у музэях і на літаратурных фэстывалях. Па выніках працы ў 2013 намінаваны на прэмію «Дэбют году» па версіі музычнага сайту Tuzin.fm. Па выніках 2014 перамог на ўзнагародах Experty.by з альбомам "Pradmova" у намінацыях "Найлепшы дэбютны альбом", "Найлепшы беларускамоўны альбом", "Найлепшы рок-альбом" і ўзяў "Прыз штатных экспэртаў", як альбом году.
Песьня пра балота
Адзін з самых яскравых гуртоў апошняга 5-годзьдзя, TonqiXod прэзэнтуе ў аўдыёчарце на TuzinFM жывую вэрсію «Песьні пра балота» — быць можа апошняга трэку ў сваёй гісторыі.
Імчы, цягнік
Гурт TonqiXod прэзэнтуе на TuzinFM песьню «Імчы, цягнік», напісаную паводле верша Тодара Кляшторнага для праекту «(Не)расстраляная паэзія».
Камняпад
Гурт TonqiXod прастаўляе ў аўдыёчарце на Tuzin.fm песьню «Камняпад», заключны трэк са свайго сьвежага EP «Лямант, хаос і вэрхал».
Марозная
Аўтары найлепшых беларускіх рок-альбомаў двух апошніх гадоў сышліся разам, каб запісаць песьню «Марозная» для праекту «Новае пакаленьне на Новы год».
Конрад Валенрод
Гурт Tonqixod прадстаўляе ў аўдыёчарце на Tuzin.fm песьню «Конрад Валенрод» з свайго дэбютнага альбому «Прадмова». У больш чым 11-хвіліннай кампазыцыі музыкі зрабілі спробу аб’яднаць абсалютна супрацьлеглыя рэчы.
Гусьляр (фрагмэнт)
Гурт TonqiXod выканаў у межах праекту «Re:Песьняры» твор, які лічыцца клясыкай сусьветнага прагрэсіўнага року.
Насыпаць горы
Гурт Tonqixod прадстаўляе ў 4 туры аўдыё-чарту на Tuzin.fm свой новы трэк «Насыпаць горы». На яго стварэньні адбілася асацыяваньне беларусаў з амэрыканскімі індзейцамі, якое перасьледуе гадамі аўтара трэку Ўладзя Лянкевіча.