Пяць пэрлінаў ад Clover Club
Новы рэліз гурта Clover Club «Five Bones» варты ўхвалы за выдатную беларускую ангельскую ў прыватнасьці і агулам за небанальнае музычнае мысьленьне ды ўменьне падаць сябе прыгожа.
Застаецца толькі мат
Ігар Загумёнаў з сваім панк-праектам не пагрэбаваў апусьціцца да маргінальнага ўзроўню ды запісаў «антыгопніцкі» альбом. Але выйшла малапераканаўча.
BosaeSonca: вечнае зьзяньне чыстага розуму
Гурт BosaeSonca выдаў другі альбом цягам году і зацьвердзіў статус адной з самых цікавых камандаў на сучаснай беларускай сцэне.
Ліст дадому ад ili-ili
Трыё актораў Купалаўскага тэатру ўзяла ў падмацоўку жывую рытм-сэкцыю, каб стварыць адзін з самых магутных і рамантычных альбомаў 2013 году ў беларускай музыцы.
Палёты ў сьне і наяве
Дэбют SP Kava атрымаўся надзвычай удалым. Толькі не чакайце ад рэпэра дынамічных нумароў. Яго міні-альбом «Што табе сьніцца» выйшаў увесь адпаведны сваёй назьве — ціхі, разважлівы, млявы нават. І чытка адпаведная — вакал нібы адмыслова запісваўся ў самнамбулічным стане.
Нафта нафтавая
Ёсьць здагадка, што Пугач пры напісаньні сваіх тэкстаў карыстаецца краткім слоўнічкам кампутарных тэрмінаў.
Sciana застаецца тут
У назьве новага альбому берасьцейцаў закладзена іхняя пазыцыя — яны застаюцца тут і цяпер, з сваёй музыкай і мовай. Рук не апускаюць, у чужую краіну не зьяжджаюць ды працягваюць ствараць новыя песьні, хутчэй насуперак, чым дзякуючы абставінам.
Пафнуцій, пясочны чалавек
Духавік «Ляпісаў» запісаў цалкам самадастатковы альбом, варты надзвычайнага захапленьня.
Пачніце працу з кнопкі «Пукст»
Сяргей Пукст на час замарозіў сваё альтэр-эга пад назвай Георгі Дабро, каб урэшце выдаць перапісаныя найлепшыя аўтарскія рэчы з паўнавартасным бэндам. Атрымаўся сапраўдны The Best.
Піт Паўлаў з капэляй, хорам і арганам
Хор Fiat аб’яднаўся з этна-праектам Піта Паўлава Paparać, каб запісаць праграму, якая заўсёды будзе актуальная.
Турэмны шансон з чалавечым абліччам
Вайцюшкевіч і Бураўкін стварылі іншую рэчаіснасьць, у якой крымінальнікі, шулеры, прайдохі, рызыканты карыстаюцца беларускай мовай і ёсьць, па сутнасьці, асобамі шляхетнымі, што з волі лёсу апынуліся ў неспрыяльных абставінах.
Nevma. Крычаць не сваім голасам
Новы альбом гурта Nevma — яскравы прыклад таго, наколькі важнай бывае мова выкананьня ў стварэньні кантэксту творчасьці ды ў фармаваньне адметнасьці выканаўцы. Ляўрэаты «Басовішча-2006» запомніліся найперш дзякуючы беларускім песьням «Ня веру табе», «Слоўнік», «Хутка», «Задаволены». На новым альбоме «12» музыкі вырашылі запісаць расейскамоўны матэрыял ды імгненна страцілі сваё аблічча.
Абсурдны беларускі ракенрол
Гурт «Тлушч» могуць палюбіць тыя, каму даспадобы абсурдысцкія тэксты ў стылі раньняга Міхалка і позьняга Вольскага, якія суправаджае няроўны іранічны вакал ды да жаху брудныя гітары.
Мураш па скуры
Таленавіты выканаўца Murovei схітрыўся запісаць адметны рэп-альбом без аніводнага мацюка. А таксама бяз фальшу, штампаў, вылузваньня, нахабства і пошласьці.
«Стары Ольса»: космас наш!
Кожная новая праца гурта «Стары Ольса» — падзея для беларускай музыкі надзвычайная. Гэтыя музыкі капаюць грунтоўна ды ўдыхаюць новае жыцьцё ў забытыя творы. Роўных ім у інтэрпрэтацыі музыкі даўніх часоў у нас проста няма.
Корж як увасабленьне беларускай мары
Макс адстаяў гонар і годнасьць усёй беларускай поп-cцэны ды запісаў альбом, які выглядае недасягальнай вяршыняй для ўсёй нашай музыкі пачатку новага стагодзьдзя. Тут усё зроблена прадумана.
Блюзмэн у пагонах генэрала
Аляксей Шадзько нечакана нават для сябе самога запісаў яшчэ адзін цудоўны альбом, на вокладцы ягога вырашыў паўстаць у вобразе генэрал-маёра расейскіх войскаў.
Міхалок як закладнік уласнай творчай канцэпцыі
Сяргей Міхалок аднойчы ўжо стаў закладнікам сваёй мастацкай канцэпцыі. Цяпер гісторыя паўтараецца.
«Вясёлых жабракоў» вярнулі зь небыцьця
Адна з самых супярэчлівых праграмаў «Песьняроў» на словы Робэрта Бэрнза перазапісана на сучасны лад. Мулявіну з Паліводам карцела складаных музычных формаў, маштабных арт-рокавых палотнаў, а публіка патрабавала «Вологду» ды з прахалодай успрымала падобныя экспэрымэнты. Спадзявацца, што праграма стане гітом сёньня, таксама не выпадае.
Выпрабаваньне акустыкай
Новы міні-альбом ад гурта :B:N: можа прэтэндаваць на тое, каб звацца сёлета самым нечаканым рэлізам у нашай музыцы. Адна з самых «гучных» ды экспрэсіўных камандаў на айчыннай рок-сцэне вырашыла перазапісаць свае песьні ў акустыцы. Шэсьць твораў розных часоў набылі іншае жыцьцё.
Залезьці ў пятлю і выжыць
Кожны ратуецца ад «адзіноты на стадыёне» як можа. Чарапко вось п’е і піша потым дзівацкія тэксты, якія з аднолькавым посьпехам можна прымаць як за адкрыцьці дамарошчанага філёзафа, так і за практыкаваньні акына-графамана.
Проста, даступна і шчыра
Новая праца праекту Ганны Хітрык не расчаруе і ня зьдзівіць яе прыхільнікаў. Фактычна гэта тое ж, што і «Дзецідзяцей», нават на староньні погляд.
Задаволеным быць не забароніш
Пасьля сыходу Касі Камоцкай у дакумэнталістыку і Русі ў фальклёр Наста Шпакоўская засталася на беларускай незалежнай сцэне фактычна адзінай рок-вумэн зь ярка акрэсленай пазыцыяй.
Пайсьці і не вярнуцца
Менска-гомельскі праект запісаў, можа, самы дзіўны беларускі альбом году. Сьцюдзёны постапакаліптычны дарк-фольк пра цень, які палюе за сваім уладаром, і маленькіх птушак, што пяюць нежывыя песьні, асабліва ацэняць аматары містыкі, якія здольныя ўявіць, як гучаў бы COIL, калі б ён паўстаў у Беларусі, а таксама звычайныя агарафобы.